Ágrýtið og nærlagt reingerðarfólk til Burn Fitness í miðbýnum

Dámar tær eitt arbeiði, har tú veruliga sært úrslitini av tínum innsatsi? Burn Fitness leitar eftir einum reingerðarfólki. Starvið er fjølbroytt og gevandi, og tú fert at hava ein týðandi leiklut í at tryggja bæði reinføri, trivnað og eina góða limauppliving.

Um starvið

Talan er um eitt starv á 30 tímar um vikuna, mánadag til fríggjadag frá kl. 08.00 til 14.00. Avtala um aðra arbeiðstíð kann møguliga lata seg gera. Starvið byrjar skjótast gjørligt ella eftir avtalu.

Arbeiðsuppgávur

• Daglig reingerð av øllum økjum í venjingarmiðstøðini
• Halda hølini rein, ruddilig og innbjóðandi fyri okkara limir og gestir
• Fylgja reingerðarskrá og tryggja høga dygd
• Vera við til at skapa góð og trygg hølisviðurskiftir saman við starvsfeløgunum
• Tað kann koma fyri, at tørvur er á tær í móttøkuni

 

Vit vænta, at tú:

• Ert ábyrgdarfull/ur og nærløgd/lagdur
• Dugir væl at arbeiða sjálvstøðugt og við yvirliti
• Ert álítandi og møtir til tíðina
• Trívist í einum fjølbroyttum og aktivum arbeiðsumhvørvi
• Hevur lætt við at samskifta við fólk og geva góða tænastu
• Tosar og skilur føroyskt á einum støði, ið ger teg føra/n fyri at samskifta við bæði kundar og starvsfelagar

 

Vit bjóða:

• Eitt arbeiðspláss við góðum arbeiðsumhvørvi og virðiligum samstarvi
• Góðar starvsfelagar og góð starvsfólkaviðurskifti
• Ein týðandi leiklut í einari stórari heilsufyritøku
• Møguleikan fyri at arbeiða sjálvstøðugt og við ábyrgd
• Góða innleiðslu og upplæring í bæði reingerðarmannagongdini og í smásølu