BURN - feittknúsandi liðvenjingar
Burn Klassik er ein heldur øðrvísi venjingarháttur enn tann, vit vanliga síggja í Føroyum. Vit brúka ymiska útgerð, sum eg sjálvur havi gjørt, saman við meiri vanligum rørslum. Hetta er við til at gera venjingina stuttliga og meiri motiverandi. Við hesi útgerðini fær kroppurin tyngd, sum er alt avgerðandi fyri at byggja flottar vøddar, t.d eina vakra, runda rumpu til kvinnuna ella flottar herðar til mannin!
Við mínum 21 ára royndum innan venjing havi eg funnið tær bestu feittbrennandi rørslurnar, samstundis sum tú byggir ein flottan kropp og gerst sterkari! Venjingarnar eru settar saman við rørslum, ið aktivera flest møguligar vøddar í senn. Um tit fylgja míni ráðgeving, kann eg garantera tykkum úrslit!
Skeiðið er gjørt til øll, kvinnur og menn í øllum aldri! Umleið 65% av luttakarunum eru kvinnur, og 35% eru menn! Tey flestu eru í 25 til 50 ára aldri, tó eru eisini fleiri eldri enn 50 ár og yngri enn 25 ár. Um tú ert ein tilkomin kvinna, ið ongantíð hevur sett fótin inn um gáttina í eini venjingarmiðstøð, er hetta skeiðið eisini til tín! Um tú ert eitt ítróttarfólk, ið ynskir eina avbjóðing, er hetta eisini til tin.
Eg kann tillaga intensitetin til hvønn einstakan, soleiðis at øll megna at vera við, og øll fáa mest burturúr.
Eg leggi stóran dent á góðskuna av venjingunum! Eg havi valt, ikki at taka ov nógv fólk til hvønn tíma, men heldur havi eg býtt liðini út á fleiri tímar á degnum. Soleiðis kann eg betur hava eyguni við hvørjum einstøkum og tryggja mær, at øll venja rætt.
Fyri fleiri av tykkum er hetta eitt fet á røttu leiðini, har tit fáa møguleika at broyta nógvar óvanar. Hetta tíðarskeið fer óivað at verða sera strævið til tíðir, men tað úrslit, tit fara at fáa, verður stríðið vert! Tá skeiðið er liðugt, fara tit at síggja ávøksturin av tykkara harða arbeiði. Væntandi eru tit blivin betri fyri kropsliga og eru lætnað nøkur kilo.
TEIR 3 – grundarsteinarnir undir Burn
Liðvenjingar:
Tær navnframu venjingarnar eru ein av grundarsteinunum undir hesum programmi, har vit venja saman mánadag, mikudag og fríggjadag í 1 tíma hvørja ferð. 1 tími er nóg mikið, tí hann verður effektivur.
Eg havi ymiskar tíðir á degnum, har møguleiki er at venja. Tú velur tær eina fasta tíð, men tó ber til at tillaga tíðirnar so hvørt, um tú t.d arbeiðir í skiftisvaktum.
Tað er umráðandi, at ongin spilltíð er í hesum tímanum, t.v.s at vit byrja stundisliga.
Kostætlan:
Mínar royndir hava lært meg ein óvikaligan sannleika: stýra vit ikki inntøkuna av kalorium í mun til tað, vit brenna, lætna vit ikki eitt gramm! Er títt endamál at lætna nøkur kilo ella byggja vøddar, koma vit ikki langt uttan eina skilagóða kostætlan.
Burn kostætlanin er gjørd sera fjølbroytt, soleiðis tú kanst gera mat til alla familjuna, hóast tú fylgir eini kostætlan – hetta, tí tað er vanligur matur, har hópin av føroyskum mati eisini er við. Við hesum sleppur tú undan at keypa serligar vørur, men kanst nýta vanligar vørur, sum tú longu hevur í køkinum!
GG: Kostætlanina kanst tú taka niður á facebook- bólkinum.
Heimavenjingar:
Teir dagar, vit ikki venja, er umráðandi, at vit røra okkum kortini. Tá er 60 min. gongutúrur, svimjing, renning ella onnur íðkan eftir egnum ynski á skránni!
At ganga í fjallalendi er sera gott fyri vøddar og liðir, samstundis sum tú brennir nógva orku.
Mælt verður IKKI til at renna, um tú ikki ert von/vanur við hetta ella vigar ov nógv, vegna vandanum fyri skaða í knø, skinnabein e.a
Sunnudag hvíla vit heilt, soleiðis kroppurin kann byggja seg uppaftur til næstu vikuna.
INTRO – introtími áðrenn hvørt skeið
Introtímin:
Tá eitt nýtt skeið byrjar, hava vit altíð ein introtíma. Hesin tímin er mest fyri tey, ið eru nýggj, har vit gjøgnumganga venjingar, kostætlan og onnur ting í Klassik-programminum.
Hesin tímin er ikki almennur, men bara fyri tey, ið hava teknað seg til skeið.
Tú fært meira kunning, um nær og hvar hesin introtímin er, tá tú hevur teknað teg til eitt skeið.
Facebook – facebook-bólkur til hvørt skeið
Til hvørt Burn Klassik skeið verður ein facebook-bólkur upprættaður. Hetta fyri at gera tað lættari at samskifta við tykkum. Í bólkinum finnur tú kostætlanina, uppskriftir, kunning o.a, samstundis sum tú kanst seta spurningar um eitt hvørt.
GG: Les væl í Info PDF, sum tú fekst sendandi, um hvussu tú kemur í hendan bólk!
