Ilt í rygginum

Melda til her Byrjar 12. jan 2019  /  Skeið 2 byrjar 23. feb 2019 

Endamálið:
Endamálið við skeiðinum er at læra teg at venja rætt, tá tú hevur ein rygg skaða. Tú lærir at brúka bæði maskinurnar og leysar vektir, alt eftir, hvør tín tørvur er. Tað vísur seg ofta at vera ymiskt, hvat fólk kunnu gera av rørslum, tí vísa vit tær, hvussu tú fært mest burtur úr venjingini.
Endmálið er eisini, at tú skalt gerast før/ur fyri at venja sjálvstøðugt, eftir at hetta grundkeiðið er av. Hetta er ikki eitt klænkiskeið, har intensiteturin er høgur og endamálið er at forbrenna, men heldur eitt skeið um góðan teknik í venjingunum.
Tó skal sigast, at tú uttan iva fert at føla venjingarnar, t.v.s at vit koyra tyngd á og tú verður troytt/ur, men verður hetta gjørt við skili.

Venjingin skal síðani blíva ein lívstílur, sum tú framyvir kanst halda á fram við sjálv/ur.

Ryggpína:
Høvuðsorsøkin til, at fólk hava ilt í rygginum, er vegna veikan rygg. Kanningar vísa, at heili 80% av fólki við ringum ryggi ella pínu í rygginum, er vegna veikar vøddar í ryggi og búki.
Rygggeiðslarnir verða hildnir uppá pláss við vøddum, og eru vøddarnir slakir og veikir, kann hetta, sum sagt, geva pínu. Tá talan er um diskus prolapsar verður pína og sjúkueyðkenni munandi betri við at styrka rygg og búk.
Um ein omaná hetta, eisini hevur ov nógv kg á síðubeinunum, kann tilveran gerast serliga ring. Endamálið er tí eisini, at steðga hesi keðiligu ringrás.

Hvør kann vera við?
Øll kunnu vera við til hetta skeið, eisini tú, sum ikki hevur ilt í rygginum, men vilt læra meira um ryggvenjingar.
Tó mæla vit teimum frá, ið hava serliga ringa pínu (strálingar niður í beinini) av diskus proplapsum, at vera við. Tá mæla vit heldur til at taka eina útdjúpandi samrøðu og snikka eina serliga venjingarætlan saman.

Vit gera tað sjálvandi í bestu hugsan fyri teg og tína heilsu. Tá finna vit eina aðra og betri loysn til tín tørv.

Nær, hvar og hvussu leingi venja vit?
Undirvísing og venjing er í BURN Fitness í Tórshavn.
- Venjingin er hvønn leygardag kl. 10:00 og byrjað verður við upphiting.

At byrja við, er hvør venjing 55 min, men seinastu 3 vikurnar venja vit 75 min.
Vit enda við at strekkja út og lætt cardio.

Hvat er við í prísinum?
· Løtt undirvísing um bygna av ryggi og vøddum, kropsburð, kost o.a.
· Venjingarætlan, sum Berg og Gitte hava gjørt í felag
· 3 mánaðar hald v/jacuzzi, hitarúmi, 10% í djúsbarrini og venjing allan dagin.
· Venjing einaferð um vikuna í 6 vikur, saman við Berg og Gitte.
· Skila -og heilsugóða kostætlan, um tú ynskir tað. Kosturin er sera umráðandi fyri at byggja vøddar og missa feitt. Kostætlanin er við til, at tú fært úrslit skjótari.

Hvat so eftir tær 6 vikurnar:
Tá tit hava verið ígjøgnum hetta grundskeið í ryggvenjingum, eru tit útgjørd til at venja sjálvstøðugt. Mælt verður til at halda áfram, tí vøddar taka tíð at byggja. Vónandi fara hesar 6 vikurnar at geva motivatión til at halda áfram at venja.
Tú fært eina venjingarætlan at venja eftir, og okkara dugnaligu starvsfólk eru altíð at heita á, ímeðan tú venur.