Liðtíðir hesa vikuna

FAT BURNER
Venjing, har útgangsstøðið er venjing við egnari kropsvekt. Venjingin er samansett við konditións-, úthaldnis- og styrkivenjingum, ið eru við til at bøta um konditiónina, kropsstyrkina og tónar kroppin samstundis. Onkur amboð verða nýtt. Venjingin er skipað í intervallum og skift verður ímillum 2 sløg av venjingum, t.d. konditión og styrki. Endamálið er at fáa úrslitagóða heilkroppsvenjing.

BOOTY BURN
Ein væl dámdur tími, ið leggur dent á harða rumpu- og beinvenjingar. Útgangsstøðið er at venja alskyns sløg av squat og lunges, bæði við og uttan vektum. Hetta er ein úrslitagóð venjing, ið fevnir um bæði styrki og sýruvenjing /úthaldni. Í høvuðsheitum fevnir venjingin um allar beinvøddar, tað er lær framman og aftan, innan- og uttanlærs og leggir. Rumpan er miðdepilin í øllum venjingunum og miðað verður eftir at forma rumpuna og beinini.

Dance-Fit
Ein tími, ið leggur dent á pulsvenjing, stuttleika og dansitrin. Tímin er á byrjunarstøði, og limir nýtast ikki at hava dansiroyndir frammanundan. Tímin byrjar við lættari upphiting og eitt sindur av styrki. Dansitrinini eru løtt og verða endurtikin fleiri ferðir. Tímin endar við einum braki, har serian verður dansað fleiri ferðir. Tú fært sveittan fram, kaloriurnar blíva færri og orkan gerst betur. Tímin endar við at strekkja út.

SPINNING
Ein konditiónsvenjing, ið tryggjar tær eina høga kaloriuforbrenning. Instruktørurin leggur lag á við ymsikum venjingarætlaninum, har ferðin og tyngdin/mótstøðan er ymisk. Tó kann tyngdin/mótstøðan á súkklunum stýrast hvør fyri sær, og tí hóskar hesin tímin til øll. Tónleikurin setur eisini sítt dám á tíman og ger tað hugaligari at spinna. Súkklan, ferðin og intensiteturin eru amboðini til tíman, og eru við til at bøta um konditiónina, gevur úthaldni og tónar beinini. Súkklurnar eru av merkinum Tomahawk, ið hevur vunnið viðurslønir fyri kvalitet.

KETTLE BURN
Um tú hevur hug at royna eina øðrvísi og spennandi venjing, so er KETTLE BURN júst tímin. Ein spildurnýggjur tími við alskyns sløg av venjinum við kettlebells. Venjingin fevnir um bæði styrki og sýruvenjing. Allir vøddar verða vandir, men venjingin rakar serliga kropskjarnuna. Instruktørurin er danmarksmeistari í kettlebells og hevur tí góðar royndir at venja við kettlebells.

POWER BURN
Fleiri ymiskar venjingar í einum tíma. Endamálið er at venja allan kroppin við hópin av amboðum, so tú fært eina úrslitagóða heilkropsvenjing. Útgangsstøðið er sirkulvenjing, tó verður ikki vant í postum. Tímin bøtir um heilsustøðuna, tú fært betri konditión, tónaðar vøddar, blívur sterkari samstundis við at tú fært betri orku, og harav navnið Burn “Power”.